Participatiounsprozess

Wéinst der Envergure vum Projet Rout Lëns an den Erausfuerderunge fir d’Stad, wollt den Immobilienentwéckler vum Quartier, IKO Real Estate, d’Populatioun un der Reflexioun deelhuele loossen, andeems hie fréi e biergerleche Participatiounsprozess organiséiert huet. Dës Consultatioun gouf op verschidden Hëllefsmëttel baséiert, fir esou enger grousser Zuel u Persounen d’Méiglechkeet ze gi sech auszedrécken: d’Ëmfro „Är Meenung zielt!“ an d’Reflexiounsworkshoppen.

Dir kënnt de komplette Rapport ënnen op dëser Säit eroflueden (nëmmen op Franséisch).

D’Ëmfro an d’Workshoppe goufen no de 4 Haaptziler vum Projet strukturéiert:

De Mënsch am Zentrum vum Projet

En neien urbane Quartier entwéckelen, wou d’Liewensqualitéit an d’Wuelbefanne vun den Awunner, Residenten a Verbraucher Virrang hunn

Thema « Liewensqualitéit »

D’Ëmwelt schützen

Eng global, integréiert an ambitiéis ëmweltfrëndlech Approche

Themen « Nohaltege Quartier » an der Ëmfro a « Ëmwelt » an de Workshoppen

Verbindunge knäppen

D’Verbindung schafen, déi tëschent dem Stadzentrum, dem Quartier Grenz-Hiehl an dem Ellergronn/Gaalgebierg feelt; en animéiert a gesellegt Quartiersliewe favoriséieren; d’Stad an d’Natur zesummebréngen

Themen « Quartiersliewen » an der Ëmfro a « Mobilitéit » an de Workshoppen

Den industrielle Patrimoine valoriséieren

De bedeitendste Patrimoine vum Site rehabilitéieren an e mat enger zäitgenëssescher Architektur vu grousser Qualitéit associéiere fir en eenzegaartege Cachet an eng staark Identitéit ze schafen

Thema « Patrimoine »

D’Biergerëmfro
« Är Meenung zielt! »

Iwwer 220 Persounen hu bei der Ëmfro matgemaach, e gudden Echantillon, deen et erlaabt, sech en éischt Bild vun den Erwaardungen a Prioritéite vun de Participanten ze maachen.

Fir144

vun den 227 Participante sinn d’Grénganlagen ee vun den Elementer, déi am meeschten d’Liewensqualitéit favoriséieren

Fir77%

vun de befrote Persounen ass et wichteg, d’eeler Leit an d’Kanner zesummenzebréngen

Fir90%

vun de Befroten ass et wichteg, den industrielle Patrimoine um Site ze erhalen

D’Workshoppen

No der Ëmfro goung de Participatiounsprozess weider mat de Reflexiounsworkshoppen. Bei all den 2 Moienter, déi komplementar zu der Ëmfro waren, ware bis zu siechzeg Persoune present an der Schoul vum Brill.

Déi Jonk hunn d’Wuert

Fir mat der Demarche, déi mam Participatiounsprozess initiéiert gouf, weiderzefueren, a well déi Jonk do wéineg vertruede waren, huet IKO Real Estate en „Innovation Camp“ mat der Associatioun Jonk Entrepreneuren Luxembourg organiséiert. Während dësem Dag hu sech 40 Jonker tëschent 16 an 19 Joer „d’Plaz vun de Jonken an der Stad vu Muer“ virgestallt, virun allem am Quartier Rout Lëns. Et war eng super Geleeënheet fir déi zukünfteg Verbraucher vum Quartier Rout Lëns zu Wuert kommen ze loossen. E grousse Merci un d’Participanten a Gléckwonsch un d’Gewënner!

An duerno?

D’Stäerkt vum Participatiounsprozess ass, datt e fréi am Liewe vum Projet Rout Lëns intervenéiert, an d’Equipe vum Projet en esou an all de folgenden Etappe vun der Entwécklung a Betruecht zéie kann. Dës Equipe wäert sech elo mat all de Kenntnisser an Iddien, déi am Kader vum Participatiounsprozess opkomm sinn, auserneesetzen. De Masterplan-Projet, deen d’Resultat vun dëser Integratiounsaarbecht wäert sinn, wäert ëffentlech presentéiert ginn.

Fir d’Aktualitéit vum Projet Rout Lëns ze suivéieren, schreift Iech fir den Newsletter an a liked eis Facebook-Säit. Dir kënnt och Suggestiounen iwwer d’Iddie-Box erareechen.