De projet

En neien nohaltegen, innovativen an exemplaresche Quartier

Am Südweste vun Esch-Uelzecht, tëschent dem Stadzentrum, der Eisebunnslinn an der franséischer Grenz, gëtt den Terrain “Lentille Terres-Rouges” zanter 1977 net méi exploitéiert. De Projet Rout Lëns gesäit vir, dës Friche aus der Stolindustrie erëm opliewen ze loossen, an dat duerch eng Ëmstrukturéierung an en neien nohaltegen, innovativen an exemplaresche Quartier. 

D’Liewensqualitéit
huet Prioritéit

Den neie Quartier Rout Lëns ass op d’Liewensqualitéit vu sengen Awunner ausgeriicht. Op enger Fläch vun 10,5 Hektar wäert ee folgend Infrastrukture fannen: eng Schoul, Geschäfter a Servicer, flexibel an innovativ Aarbechtsberäicher, Wunnenge mat verschidden Typologien, ëffentlech Infrastrukturen (Maison-Relais, Crèchen…), Fräizäitinfrastrukturen (Sportsterrainen, Caféen a Restauranten), ëffentlech Raim an och Grénganlagen. Fir den industrielle Patrimoine ze respektéieren a valoriséiere gi verschidde Gebaier mat engem besonnesche Wäert rehabilitéiert.

Déi 4 Erausfuerderunge
vum Quartier

De Projet Rout Lëns ass op eng laangfristeg Visioun ausgeriicht, déi erlabe soll, d’Evolutioun vun de Liewensstiler, déi stänneg änneren, ze begleeden, a wa méiglech esouguer antizipéieren.

01

De Mënsch am Zentrum vum Projet

En neien urbane Quartier entwéckelen, wou d’Liewensqualitéit an d’Wuelbefanne vun den Awunner, Residenten a Verbraucher Virrang hunn

02

D’Ëmwelt schützen

Eng global, integréiert an ambitiéis ëmweltfrëndlech Approche

03

Verbindunge knäppen

D’Verbindung schafen, déi tëschent dem Stadzentrum, dem Quartier Grenz-Hiehl an dem Gaalgebierg feelt; en animéiert a gesellegt Quartiersliewe favoriséieren; d’Stad an d’Natur zesummebréngen

04

Den industrielle Patrimoine valoriséieren

De bedeitendste Patrimoine vum Site rehabilitéieren an e mat enger zäitgenëssescher Architektur vu grousser Qualitéit associéiere fir en eenzegaartege Cachet an eng staark Identitéit ze schafen

Déi grouss Etappe vum Projet

drag

mäe .

2019

abr .

2019

participatiounsprozess Biergerëmfro

abr & mee .

2019

participatiounsprozess Reflexioun-Workshoppen de 27. Abrëll a den 11. Mee

sep .

2019

sep .

2020

Artistesch Interventiounen Festival Kufa’s Urban Art

sep .

2019

sep .

2021

Sanéierung vum Site

dez .

2019

dez .

2020

Prozedur PAP Phase 1

enn

2020

Eragi vun den éischten Dossiere fir eng Baugeneemegung

2021

Viabilisatiounsaarbechten

enn

2021

Ufank vun de Bagger- a Bauaarbechten

virun enn

2024

Liwwerung vun den éischte Gebaier